గాలిలో కొత్త శక్తి! ఆంధ్రప్రదేశ్‌లో మళ్లీ పుంజుకున్న సుజ్‌లాన్‌

2024లో ఎన్‌డిఎ ప్రభుత్వం ఏర్పడిన తర్వాత, ఆంధ్రప్రదేశ్‌ తిరిగి పునరుజ్జీవన దిశగా సాగుతోంది. గతంలో జగన్‌ ప్రభుత్వంలోని ఏకపక్ష విధానాల కారణంగా రాష్ట్రాన్ని వీడిన కంపెనీలు, ఇప్పుడు మళ్లీ ఆంధ్రప్రదేశ్‌లో పెట్టుబడులు పెట్టడానికి ముందుకు వస్తున్నాయి.

ఈ పునరాగమనంలో ప్రధాన పాత్రధారిగా భారతదేశపు అగ్రశ్రేణి విండ్ ఎనర్జీ కంపెనీ “సుజ్‌లాన్‌” తిరిగి ఆంధ్రప్రదేశ్‌లో కార్యకలాపాలు ప్రారంభించింది. ఇది రాష్ట్రం పచ్చశక్తి రంగంలో ఒక ముఖ్యమైన మలుపు అని చెప్పవచ్చు.

సుజ్‌లాన్‌ ఇప్పటికే రాష్ట్ర విండ్ పవర్ సామర్థ్యంలో సుమారు 40% వాటాను కలిగి ఉంది. ఇప్పుడు సంస్థ అనంతపురం జిల్లా కుదేరు మండలంలో భారీ రోటర్ బ్లేడ్ తయారీ యూనిట్‌ను ఏర్పాటు చేస్తోంది. ఈ యూనిట్ దేశీయ అవసరాలతో పాటు $50 బిలియన్‌ విలువైన అంతర్జాతీయ మార్కెట్‌ను లక్ష్యంగా పెట్టుకుంది.

ఇక మరో పెద్ద అడుగుగా, టాటా పవర్–సుజ్‌లాన్‌ కలిసి ₹6,000 కోట్లతో 700 మెగావాట్ల విండ్ ప్రాజెక్ట్‌ను ప్రారంభించనున్నట్లు ప్రకటించాయి. ఇది 2019 తర్వాత ఆంధ్రప్రదేశ్‌లో మొదటి పెద్ద విండ్ ఎనర్జీ ప్రాజెక్ట్‌ అవుతుంది.

ఇది రాష్ట్ర పచ్చశక్తి లక్ష్యాలకు కొత్త ఊపును ఇవ్వడమే కాకుండా, ముఖ్యమంత్రి చంద్రబాబు నాయుడు కలగన్న “రిన్యూవబుల్ ఎనర్జీ హబ్‌గా ఆంధ్రప్రదేశ్‌” స్వప్నాన్ని నిజం చేసే దిశగా అడుగులు వేస్తోంది.