ఏపీ ఇంటర్ సెకండియర్ విద్యార్థులకు గుడ్‌న్యూస్..

ఆంధ్రప్రదేశ్‌లో ఇంటర్ సెకండియర్ విద్యార్థులకు ప్రభుత్వం శుభవార్త అందించింది. అడ్వాన్స్‌డ్ సప్లిమెంటరీ పరీక్షల్లో ఇంప్రూవ్‌మెంట్‌కు అవకాశం కల్పిస్తూ కీలక నిర్ణయం తీసుకుంది. సబ్జెక్టుల వారీగా ఉత్తమ మార్కులు (Best Marks) విధానాన్ని అమలు చేయనున్నట్లు అధికారులు తెలిపారు. ఈ మార్పుతో విద్యార్థులు తమ మార్కులను మరింత మెరుగుపరుచుకునే అవకాశం పొందనున్నారు.

ఇంప్రూవ్‌మెంట్‌కు హాజరయ్యే ప్రతి పేపర్‌కు అదనంగా రూ.160 ఫీజు చెల్లించాల్సి ఉంటుందని వెల్లడించారు. ఈ ఫీజు చెల్లింపు ప్రక్రియ ఈ నెల 20వ తేదీ నుంచి 27వ తేదీ వరకు అందుబాటులో ఉంటుందని పేర్కొన్నారు. విద్యార్థులు ఈ అవకాశాన్ని సద్వినియోగం చేసుకోవాలని విద్యాశాఖ సూచించింది.