చమురు ధరల్లో కొనసాగుతున్న అస్థిరత !

అమెరికా అధ్యక్షుడు డొనాల్డ్ ట్రంప్ ప్రభుత్వం రష్యా చమురు కొనుగోళ్లపై తాత్కాలిక సడలింపును ప్రకటించింది. ఈ నిర్ణయం ప్రకారం కొన్ని దేశాలు సముద్ర మార్గంలో రష్యా చమురు మరియు పెట్రోలియం ఉత్పత్తులను వచ్చే నెల 16 వరకు కొనుగోలు చేయవచ్చు. ఇంతకుముందు ముగిసిన సడలింపును పొడిగిస్తూ తీసుకున్న ఈ నిర్ణయం ప్రపంచవ్యాప్తంగా పెరుగుతున్న ఇంధన ధరలను నియంత్రించేందుకు తీసుకున్న చర్యగా భావిస్తున్నారు.

అయితే ఈ సడలింపు ఉన్నప్పటికీ అంతర్జాతీయ చమురు ధరలు స్థిరంగా లేవు. ముఖ్యంగా హోర్ముజ్ సముద్ర మార్గంలో రవాణా అంతరాయం ఏర్పడటంతో సరఫరా ప్రభావితమవుతోంది. ప్రపంచ చమురు సరఫరాలో కీలకమైన ఈ మార్గంలో సమస్యలు కొనసాగుతుండటంతో ధరల మార్పులు కొనసాగుతాయని నిపుణులు అభిప్రాయపడుతున్నారు.