విశాఖ: నేడు స్కైవాక్ గ్లాస్ బ్రిడ్జి ప్రారంభోత్సవం

నేడు స్కైవాక్ గ్లాస్ బ్రిడ్జి ప్రారంభోత్సవం జరగనుంది. ఈ ప్రత్యేక ప్రాజెక్ట్‌కు సంబంధించిన అన్ని ఏర్పాట్లు ఇప్పటికే పూర్తయ్యాయి. పర్యాటకులకు కొత్త అనుభూతిని అందించాలనే లక్ష్యంతో నిర్మించిన ఈ గ్లాస్ బ్రిడ్జి ప్రారంభం కోసం స్థానిక అధికారులు, పర్యాటక శాఖ ప్రత్యేక ఆహ్వానాలు పంపారు. ప్రారంభోత్సవ కార్యక్రమంలో పలువురు ప్రముఖులు పాల్గొనే అవకాశం ఉంది.

కైలాసగిరిపై అందుబాటులోకి రానున్న ఈ స్కైవాక్ బ్రిడ్జి, వైజాగ్ పర్యాటక రంగానికి మరో ఆకర్షణగా నిలుస్తుందని భావిస్తున్నారు. పర్వత ప్రాంతం పై నుంచి సముద్ర తీరాన్ని, నగర దృశ్యాలను పారదర్శక గ్లాస్ బ్రిడ్జి మీద నడుస్తూ ఆస్వాదించే కొత్త అనుభూతి పర్యాటకులకు దక్కనుంది. ఈ బ్రిడ్జి ప్రారంభం తర్వాత స్థానిక టూరిజానికి గణనీయంగా ఊపిరి వస్తుందని అధికారులు అంచనా వేస్తున్నారు.