వైరల్ అవుతున్న కలానిధి మారన్ విమానం.. ఏమిటి దీని ప్రత్యేకత?

సోషల్ మీడియాలో వైరల్ అవుతున్న ఒక పోస్టు ప్రముఖ మీడియా దిగ్గజం కలానిధి మారన్ సొంతమైన విలాసవంతమైన ప్రైవేట్ జెట్‌పై చర్చకు దారితీసింది. సన్ గ్రూప్ ఛైర్మన్ అయిన కలానిధి మారన్, కావ్య మారన్ తండ్రి. వైరల్ పోస్టు ప్రకారం, ఆయన వద్ద భారత్‌లోని ఏకైక బాంబార్డియర్ గ్లోబల్ 7500 విమానం ఉంది. ప్రపంచంలోని అత్యంత అధునాతన, విలాసవంతమైన బిజినెస్ జెట్లలో ఇది ఒకటిగా గుర్తింపు పొందింది.

ఈ జెట్‌లో నాలుగు ప్రత్యేక లివింగ్ ఏరియాలు ఉండటంతో ప్రయాణికులకు ఆకాశంలోనే ఒక విలాసవంతమైన గృహంలో ఉన్న అనుభూతి కలుగుతుందని చెబుతున్నారు. ముఖ్యంగా సన్‌రైజర్స్ హైదరాబాద్ మ్యాచ్‌లకు హాజరయ్యే సందర్భంగా కావ్య మారన్ ఈ జెట్‌ను ఉపయోగిస్తున్నట్లు సోషల్ మీడియాలో విస్తృతంగా ప్రచారం జరుగుతోంది. దీంతో ఈ విమానం, మారన్ కుటుంబం విలాసవంతమైన జీవనశైలి మరోసారి చర్చనీయాంశంగా మారింది.