కోల్‌కతా మెస్సీ పర్యటన ఏర్పాట్లపై బెంగాల్ గవర్నర్‌ సీరియస్‌..రిపోర్ట్ ఇవ్వాలని ప్రభుత్వానికి ఆదేశం

మెస్సీ టూర్‌లో జరిగిన గందరగోళంపై పశ్చిమ బెంగాల్‌ ముఖ్యమంత్రి మమతా బెనర్జీ బహిరంగంగా క్షమాపణలు తెలిపారు. అభిమానులకు ఎదురైన అసౌకర్యానికి సారీ చెబుతూ, అభిమానుల సహనాన్ని కోరారు. ఈ కార్యక్రమంలో నిర్వహణ లోపాలు ఉన్నాయని అంగీకరించిన ఆమె, బాధ్యత వహిస్తూ చర్యలు తీసుకుంటామని హామీ ఇచ్చారు.

ఈ ఘటనపై సమగ్ర విచారణ కోసం ప్రత్యేక కమిటీని ఏర్పాటు చేస్తున్నట్లు మమతా బెనర్జీ ప్రకటించారు. భవిష్యత్తులో ఇలాంటి లోపాలు పునరావృతం కాకుండా కఠిన చర్యలు తీసుకుంటామని, అంతర్జాతీయ స్థాయి ఈవెంట్ల నిర్వహణలో మరింత జాగ్రత్తలు పాటిస్తామని తెలిపారు. అభిమానుల విశ్వాసం దెబ్బతినకుండా ప్రభుత్వం తగిన చర్యలు చేపడుతుందని సీఎం స్పష్టం చేశారు.