భారీ పెట్టుబడులను తెచ్చే తెలంగాణ రైజింగ్ గ్లోబల్ సమ్మిట్

తెలంగాణా రైజింగ్ గ్లోబల్ సమ్మిట్ రాష్ట్ర చరిత్రలోనే అతిపెద్ద బిజినెస్ ఈవెంట్స్‌లో ఒకటిగా మారుతోంది. దేశీయ మరియు అంతర్జాతీయ స్థాయి కంపెనీలు పెద్ద సంఖ్యలో హాజరవుతూ, ముఖ్యమైన పెట్టుబడి ఒప్పందాలు చేసుకునేందుకు సిద్ధం అవుతున్నాయి. ఇండస్ట్రీ, టెక్నాలజీ, టూరిజం, ఎనర్జీ, ఎంటర్‌టైన్‌మెంట్ రంగాల్లో భారీ పెట్టుబడులు రానున్నాయని ప్రభుత్వం అంచనా వేస్తోంది.

హైదరాబాద్‌లో TCS మరియు TPG సంస్థలు కలిపి సుమారు ₹70,000 కోట్లు పెట్టుబడితో హైపర్వాల్ట్ డేటా సెంటర్లు ఏర్పాటు చేయనున్నాయి. జహీరాబాద్‌లో హ్యుందాయ్ మోటార్స్ ₹8,000 కోట్లు పెట్టి టెస్ట్ ట్రాక్, మాన్యుఫ్యాక్చరింగ్ యూనిట్ నిర్మిస్తున్నాయి. మహీంద్రా ₹400 కోట్లు, విశ్ట్రాన్ ₹1,000 కోట్లు, క్రాంప్టన్ గ్రీవ్స్ ₹300 కోట్లు పెట్టుబడులు పెట్టనున్నాయి. అలాగే బయోలాజికల్ E, MSN, నార్త్ స్టార్, అక్విలోన్ నెక్సస్ సంస్థలు R&D, AI, ఫార్మా రంగాల్లో విస్తరణ చేస్తున్నారు.

టూరిజం మరియు ఎంటర్‌టైన్‌మెంట్ రంగాల్లో కూడా పెద్ద ప్రాజెక్టులు వస్తున్నాయి. ఫుడ్‌లింక్ ₹3,000 కోట్లు పెట్టి కన్వెన్షన్ సెంటర్, ఎక్స్‌పో మరియు మూడు హోటళ్లను నిర్మించనుంది. క్రిస్టల్ లాగూన్స్ మరియు గ్రీన్ పాంథర్స్ కలిసి ₹850 కోట్లు పెట్టి అర్బన్ బీచ్ మరియు ఎంటర్‌టైన్‌మెంట్ హబ్‌ను అభివృద్ధి చేస్తున్నారు. అతి‌రాత్ హోల్డింగ్స్ ₹4,000 కోట్లు పెట్టి 25 CBG ప్లాంట్లను నిర్మించనుంది. జపాన్‌కు చెందిన లిక్సిల్ గ్రూప్ హౌసింగ్ ఫిక్చర్స్ ఫెసిలిటీని ఏర్పాటు చేయనుంది. మొత్తంగా, ఈ సమ్మిట్ తెలంగాణను గ్లోబల్ ఇన్వెస్ట్‌మెంట్ హబ్‌గా మార్చే దిశగా కీలక పాత్ర పోషిస్తోంది.