2.6 లక్షల కేసుల ష్రెడ్డెడ్ చీజ్‌ను వెనక్కి తెప్పించండి - ఎఫ్ డి ఏ

అమెరికాలో 31 రాష్ట్రాలు మరియు ప్యూర్టో రికో విక్రయించిన 2.6 లక్షల కేసుల ష్రెడ్డెడ్ చీజ్‌ను తిరిగి రప్పించాలంటూ FDA ఆదేశాలు జారీ చేసింది. ఈ చీజ్‌లో మెటల్ ముక్కలు ఉండే అవకాశం ఉందని హెచ్చరిక ఇచ్చింది. గ్రేట్ లేక్స్ చీస్ కంపెనీ తయారుచేసిన ఈ ఉత్పత్తులు Target, Walmart, Aldi వంటి పెద్ద రిటైల్ స్టోర్ల ప్రైవేట్ బ్రాండ్‌లపై అమ్ముడయ్యాయి. రీకాల్‌లో మోజారెల్లా, ఇటాలియన్ స్టైల్, పిజ్జా బ్లెండ్, మోజారెల్లా–ప్రొవోలోన్, మోజారెల్లా–పార్మసాన్ వంటి పలు రకాల చీజ్‌లు ఉన్నాయి.

ఈ రీకాల్‌ను FDA క్లాస్–II రీకాల్గా పేర్కొంది. అంటే, ఈ ఉత్పత్తులు తాత్కాలిక లేదా చికిత్సతో సరిచేయగల ఆరోగ్య సమస్యలు కలిగించవచ్చు, అయితే తీవ్ర సమస్య వచ్చే అవకాశం తక్కువ. కానీ చీజ్‌లో మెటల్ భాగాలు ఉంటే దంతాలు నష్టం, నోరు లేదా గొంతులో కోతలు, అట్టడుగు పేగుల్లో గాయాలు వచ్చే ప్రమాదం ఉందని FDA హెచ్చరించింది. వినియోగదారులు తమ వద్ద ఉన్న చీజ్‌ను చెక్ చేసుకుని, రీకాల్ చేసిన ఉత్పత్తులను ఉపయోగించకూడదని సూచించింది.