న్యూయార్క్‌లో చలి బీభత్సం.. 17 మంది మృతి

న్యూయార్క్ నగరం సహా ఈశాన్య అమెరికాలో ఈ వీకెండ్ తీవ్రమైన చలి ప్రజలను వణికిస్తోంది. ఆదివారం న్యూయార్క్‌లో ఉష్ణోగ్రతలు 3 డిగ్రీల ఫారెన్‌హీట్‌కు పడిపోగా, బలమైన చలిగాలుల కారణంగా అది 14 డిగ్రీలలా అనిపించింది. కొన్ని ప్రాంతాల్లో అయితే చలిగాలి ప్రభావం 40 డిగ్రీల వరకు అనుభూతి చెందేలా ఉందని వాతావరణ నిపుణులు తెలిపారు. కెనడా నుంచి వచ్చిన ఆర్కిటిక్ గాలులే ఈ తీవ్ర పరిస్థితులకు కారణమని, గత 10–20 ఏళ్లలో ఇంతటి చలి చూడలేదని వారు చెప్పారు.

ఈ పరిస్థితుల నేపథ్యంలో న్యూయార్క్, ఫిలడెల్ఫియా వంటి ప్రధాన నగరాల్లో కలిపి 4.3 కోట్ల మందికి పైగా ప్రజలకు తీవ్ర చలి హెచ్చరికలు జారీ చేశారు. న్యూయార్క్ నగరంలో ఈ ఏడాది ఇప్పటివరకు కనీసం 17 మంది మృతి చెందినట్లు అధికారులు తెలిపారు. వీరిలో 13 మంది హైపోథర్మియా కారణంగా ప్రాణాలు కోల్పోయారు. ఆశ్చర్యకరంగా, అంటార్కిటికాలోని మెక్‌మర్డో స్టేషన్‌లో న్యూయార్క్ కంటే ఎక్కువ ఉష్ణోగ్రత నమోదైనట్టు నివేదికలు చెబుతున్నాయి.