వచ్చే నెల లో మిగతా రాష్ట్రాల్లో సర్ ప్రక్రియ

దేశవ్యాప్తంగా ఎన్నికల నిర్వహణలో భాగంగా చేపడుతున్న ‘సర్‌’ కార్యక్రమం మూడో దశకు సిద్ధమవుతోంది. ఈ నెలాఖరులో నాలుగు రాష్ట్రాల అసెంబ్లీ ఎన్నికలు పూర్తయ్యాక, మిగతా రాష్ట్రాల్లో ఈ ప్రక్రియను ప్రారంభించేందుకు ఎన్నికల సంఘం ప్రణాళిక రూపొందించింది. మే 4న ఫలితాలు వెలువడిన తర్వాత ఆంధ్రప్రదేశ్‌, తెలంగాణ, కర్ణాటక, ఢిల్లీ, మహారాష్ట్ర, జమ్మూకశ్మీర్‌, హరియాణా, అస్సాం వంటి రాష్ట్రాలతో పాటు ఐదు కేంద్ర పాలిత ప్రాంతాల్లో కూడా ఈ కార్యక్రమాన్ని భారీ స్థాయిలో అమలు చేయనున్నారు.

ఇప్పటికే దేశంలో 10 రాష్ట్రాలు, మూడు కేంద్ర పాలిత ప్రాంతాల్లో ఈ ‘సర్‌’ కార్యక్రమాన్ని పూర్తి చేశారు. కేరళ, తమిళనాడు, పశ్చిమబెంగాల్‌, అస్సాం, పుదుచ్చేరి వంటి రాష్ట్రాల్లో ఎన్నికలు ముగిసిన వెంటనే మిగిలిన ప్రాంతాల్లో ప్రక్రియ వేగవంతం చేయనున్నారు. ఓటరు జాబితాల నవీకరణ, ఎన్నికల వ్యవస్థలో పారదర్శకత పెంపు లక్ష్యంగా ఈ కార్యక్రమాన్ని ఎన్నికల సంఘం అమలు చేస్తోంది.