రాజ్యసభలో చడ్డాపై ఆప్‌ చర్య.. ఉపనేత పదవి నుంచి తొలగింపు

రాజ్యసభలో తమ పార్టీ ఉపనేతగా ఉన్న రాఘవ్ చడ్డాను ఆమ్ ఆద్మీ పార్టీ తొలగించింది. ఆయన స్థానంలో పంజాబ్‌కు చెందిన ఎంపీ అశోక్ మిత్తల్ను నియమించాలని నిర్ణయించింది. ఈ మేరకు రాజ్యసభ సచివాలయానికి పార్టీ లేఖ రాసి, ఇకపై సభలో చడ్డాకు తమ కోటాలో సమయం కేటాయించవద్దని కూడా కోరింది.

పార్టీ కార్యకలాపాలకు చడ్డా దూరంగా ఉండటం, కార్యక్రమాలపై స్పందించకపోవడమే ఈ నిర్ణయానికి కారణమని తెలుస్తోంది. అయితే ఉపనేత మార్పు సాధారణ ప్రక్రియేనని, ప్రత్యేక కారణాలు ఏవీ లేవని అశోక్ మిత్తల్ తెలిపారు. చడ్డా ఇతర పార్టీలో చేరతారన్న వార్తలపై కూడా స్పష్టత లేదని ఆయన పేర్కొన్నారు.