అమెజాన్‌లో మరో భారీ ఉద్యోగాల కోతలు? 14 వేల మంది పై ప్రభావం

ప్రముఖ ఈ-కామర్స్ సంస్థ అమెజాన్‌ మరోసారి పెద్దఎత్తున ఉద్యోగాల కోతలకు సిద్ధమవుతున్నట్లు సమాచారం. వచ్చే నెలలో దాదాపు 14 వేల మంది ఉద్యోగులను తొలగించే అవకాశముందని ఆసియా బిజినెస్ అవుట్‌లుక్ నివేదిక పేర్కొంది. మే నెలలో జరిగే ఈ తొలగింపులు ముఖ్యంగా అమెజాన్ వెబ్ సర్వీసెస్ (AWS), రిటైల్ విభాగం, అలాగే మానవ వనరుల విభాగాల పై ప్రభావం చూపే అవకాశముంది. అయితే ఈ అంశంపై అమెజాన్ ఇంకా అధికారికంగా స్పందించలేదు.

ఇప్పటికే 2025 చివరి నాటికి అమెజాన్ 14 వేల మందిని తొలగించగా, ఈ ఏడాది జనవరిలో మరింతగా 16 వేల ఉద్యోగులను తొలగించింది. ఇటీవల భారీ స్థాయిలో ఉద్యోగాల కోతలు చేపట్టిన కంపెనీల్లో ఒరాకిల్‌, మైక్రోసాఫ్ట్, టీసీఎస్, యాక్సెంచర్ ఉన్నాయి. అలాగే మెటా కూడా సుమారు 15 వేల ఉద్యోగులను తగ్గించే యోచనలో ఉందని సమాచారం.