రష్యా చమురు.. మరో నెల పాటు ఆంక్షల సడలింపు

రష్యా చమురు ఉత్పత్తులపై విధించిన ఆంక్షలకు అమెరికా మరో నెల పాటు సడలింపు ఇచ్చింది. ఈ మినహాయింపు వచ్చే నెల 16 వరకు అమల్లో ఉంటుందని అమెరికా ట్రెజరీ శాఖ స్పష్టం చేసింది. ప్రపంచ ఇంధన సరఫరా పరిస్థితులను దృష్టిలో ఉంచుకుని ఈ తాత్కాలిక నిర్ణయం తీసుకున్నట్లు తెలిపింది.

తాజా మార్గదర్శకాల ప్రకారం ఇప్పటికే సముద్రంలో ప్రయాణిస్తున్న రష్యా చమురు నౌకల నుంచే కొనుగోళ్లు జరగాలని పేర్కొన్నారు. ఈ నిబంధనల వెలుపల కొత్త ఒప్పందాలకు అనుమతి ఉండదని అధికారులు స్పష్టం చేశారు. ఇంధన దిగుమతులపై నియంత్రణ కొనసాగిస్తూ పరిమిత సడలింపులు మాత్రమే ఇచ్చినట్లు తెలుస్తోంది.