మెటాలో 8 వేల మంది ఉద్యోగుల లేఆఫ్‌లు… వచ్చే నెలలోనేనా ?

ఫేస్‌బుక్‌ మాతృసంస్థ మెటా భారీ స్థాయిలో ఉద్యోగాల కోతకు సిద్ధమవుతున్నట్లు సమాచారం. వచ్చే నెల 20 నాటికి తొలి దశలో ప్రపంచవ్యాప్తంగా ఉన్న సిబ్బందిలో సుమారు 10 శాతం ఉద్యోగులను తొలగించేందుకు కంపెనీ నిర్ణయం తీసుకున్నట్లు తెలుస్తోంది. దీంతో దాదాపు 8 వేల మంది ఉద్యోగాలు కోల్పోయే అవకాశం ఉంది.

అలాగే ఈ ఏడాది రెండో అర్ధభాగంలో మరిన్ని లేఆఫ్‌లు ఉండే అవకాశం ఉన్నట్లు కూడా సమాచారం. మారుతున్న టెక్ పరిశ్రమ పరిస్థితుల నేపథ్యంలో ఖర్చులను తగ్గించుకునే భాగంగా ఈ నిర్ణయం తీసుకున్నట్లు భావిస్తున్నారు.