జీహెచ్‌ఎంసీ పరిధిలో ఆస్తి పన్ను చెల్లింపుదారులకు ప్రత్యేక ఆఫర్!

గ్రేటర్ హైదరాబాద్ మున్సిపల్ కార్పొరేషన్ (జీహెచ్‌ఎంసీ) పరిధిలోని ఆస్తి పన్ను చెల్లింపుదారులకు జీహెచ్‌ఎంసీ శుభవార్త ప్రకటించింది. 2025–26 ఆర్థిక సంవత్సరానికి సంబంధించి పెండింగ్‌లో ఉన్న ఆస్తి పన్ను బకాయిల వడ్డీపై 90 శాతం రాయితీ ఇవ్వనున్నట్లు ప్రకటించింది. ఈ రాయితీ ప్రయోజనం పొందాలంటే ఈ నెల 31వ తేదీలోగా బకాయిలను చెల్లించాలని అధికారులు తెలిపారు.

పన్ను బకాయిలను అధికారిక వెబ్‌సైట్‌, మై జీహెచ్‌ఎంసీ యాప్, మీ సేవ కేంద్రాలు, సిటిజన్ సర్వీస్ సెంటర్‌ల ద్వారా చెల్లించవచ్చని జీహెచ్‌ఎంసీ కమిషనర్ పేర్కొన్నారు. ఈ నిర్ణయం ద్వారా నగరంలోని పన్ను చెల్లింపుదారులకు ఉపశమనం కలిగించడంతో పాటు పెండింగ్ బకాయిల వసూలు వేగవంతం చేయాలని జీహెచ్‌ఎంసీ లక్ష్యంగా పెట్టుకుంది.