రాష్ట్రపతి ముర్ము మరో సాహసయాత్ర - సబ్‌మెరైన్ ప్రయాణం!

రాష్ట్రపతి ద్రౌపది ముర్ము మరో సాహసయాత్రకు సిద్ధమవుతున్నారు. కర్ణాటకలోని కార్వార్ హార్బర్ నుంచి ఆమె జలాంతర్గామి (సబ్‌మెరైన్)లో సముద్రయాత్ర చేయనున్నారు. ఏపీజే అబ్దుల్ కలాం తర్వాత ద్రౌపది ముర్ము రెండో రాష్ట్రపతిగా ఈ జలాంతర్గామి యాత్ర చేపట్టబోతున్నారు. 2006 లో అబ్దుల్ కలాం విశాఖపట్నం నుంచి సబ్‌మెరైన్‌లో ప్రయాణించారు.

గత అక్టోబర్‌లో రాఫెల్ జెట్‌లో, 2023 లో Sukhoi-30 MKI యుద్ధ విమానంలో ఆమె విహారయాత్ర చేశారు. ఇది భారత రక్షణ శక్తులతో ఆమె సన్నిహిత సంబంధాన్ని, దేశ రక్షణ సామర్థ్యాలపై ఆసక్తిని చాటుతోంది. కార్వార్ నౌకాశ్రయం (ప్రాజెక్ట్ సీబర్డ్)లో ఈ యాత్ర జరగనుంది. ఈ చారిత్రక సంఘటన ద్వారా రాష్ట్రపతి ముర్ము భారత నావికాదళ సామర్థ్యాలను ప్రపంచానికి ప్రదర్శిస్తున్నారు.