ప్రకాష్ రాజ్ వ్యాఖ్యలపై స్పందన

నటుడు ప్రకాష్ రాజ్ తనపై వస్తున్న విమర్శలకు స్పందించారు. ధర్మాన్ని అడ్డం పెట్టుకుని మత రాజకీయాలు చేస్తున్నవారు తన ప్రశ్నలకు సమాధానం చెప్పలేక, తనను హిందూ విరోధిగా చిత్రీకరించే ప్రయత్నం చేస్తున్నారని అన్నారు. అన్ని మతాలను గౌరవించే వ్యక్తిగా తాను ఎప్పుడూ ఒక ధర్మాన్ని కించపరిచే విధంగా వ్యాఖ్యలు చేయనని స్పష్టం చేశారు.

తాను చేసిన వ్యాఖ్యలను వక్రీకరించి, రాముడిని హేళన చేశానని అబద్ధపు ప్రచారం చేస్తున్నారని ప్రకాష్ రాజ్ ఆరోపించారు. తన అభిప్రాయాలను తప్పుగా అర్థం చేసుకుని దుష్ప్రచారం చేస్తున్నారని పేర్కొంటూ, నిజాలను ప్రజలు గుర్తించాలని కోరారు.