పోలీసు వెబ్‌సైట్లు హ్యాక్

వారం రోజులుగా సైబరాబాద్‌, రాచకొండ కమిషనరేట్ల పోలీసు వెబ్‌సైట్లు పనిచేయడం లేదు. వీటిలోకి మాల్‌వేర్‌ చొరబడినట్లు పోలీసులు అనుమానిస్తున్నారు. వెబ్‌సైట్‌ను క్లిక్‌ చేస్తే గేమింగ్‌ అప్లికేషన్‌కు రీడైరెక్ట్‌ అవుతున్నట్లు గుర్తించారు. సర్వర్లను డౌన్‌ చేసి వాటిని నిర్వహిస్తున్న ఎన్‌ఐసీకి సమాచారం అందించారు. సమస్యను పరిష్కరించేందుకు రెండు కమిషనరేట్లలోని ఐటీ బృందాలు ప్రయత్నిస్తున్నాయి. వెబ్‌సైట్ల పునరుద్ధరణకు ఎన్‌ఐసీ పర్యవేక్షణలో ప్రతినిధులు పనిచేస్తున్నారు.