బాలాజీ విగ్రహంతో పవన్ కళ్యాణ్… ఫోటోలు వైరల్

ఆంధ్రప్రదేశ్ ఉప ముఖ్యమంత్రి పవన్ కళ్యాణ్ తన సనాతన ధర్మ విశ్వాసాన్ని మరోసారి బహిరంగంగా చాటుకున్నారు. పిఠాపురంలో నిర్వహించిన ప్రీ–సంక్రాంతి వేడుకల సందర్భంగా ఆయనకు ప్రత్యేకంగా బహూకరించిన శ్రీ బాలాజీ విగ్రహాన్ని భక్తితో స్వీకరించారు. ఈ సందర్భంగా పవన్ కళ్యాణ్ విగ్రహాన్ని తలపై ఉంచుకుని తన ఆధ్యాత్మిక భావనను వ్యక్తపరిచారు.

ఈ దృశ్యాలకు సంబంధించిన ఫోటోలు సోషల్ మీడియాలో వేగంగా వైరల్ అవుతున్నాయి. హిందుత్వ భావజాలం, సనాతన ధర్మంపై తన నిబద్ధతను పవన్ కళ్యాణ్ మరోసారి స్పష్టంగా చూపించారని అభిమానులు అభిప్రాయపడుతున్నారు. వెంకటేశ్వర స్వామిపై ఆయనకు ఉన్న భక్తిని ప్రతిబింబించే ఈ ఫోటోలు నెటిజన్ల దృష్టిని విశేషంగా ఆకర్షిస్తున్నాయి.