మెట్రో, ఎంఎంటీఎస్‌, బస్సు... అన్నీ ఒకే క్లిక్‌లో!

హైదరాబాద్ నగరవాసులకు త్వరలో ఒకే టికెట్‌తో బస్సు, మెట్రో, ఎంఎంటీఎస్‌, అలాగే ఓలా ఊబర్ వంటి సేవలను వినియోగించే అవకాశం రానుంది. యూనిఫైడ్ మెట్రోపాలిటన్ డెవలప్‌మెంట్ అథారిటీ (UMTA) ఆధ్వర్యంలో రూపొందుతున్న ఈ కామన్ మొబిలిటీ యాప్‌ను అమలు చేసేందుకు  హైదరాబాద్ మహానగర అభివృద్ధి సంస్థటెండర్లను ఆహ్వానించింది. ఈ యాప్ ద్వారా ఒకే టికెట్‌తో నగరంలో ఎక్కడికైనా సులభంగా ప్రయాణించవచ్చు.

ఈ యాప్‌లో ప్రయాణికులు తమ గమ్యస్థానాన్ని నమోదు చేస్తే, అందుబాటులో ఉన్న మెట్రో, ఎంఎంటీఎస్‌, TSRTC బస్సు సేవల వివరాలు, చివరి మైలు ప్రయాణ మార్గాలు సూచించబడతాయి. టికెట్‌ను యాప్‌లోనే బుక్ చేసి QR కోడ్ ద్వారా ప్రయాణించవచ్చు. చివరి దశలో ప్రత్యేకంగా క్యాబ్ బుక్ చేయాల్సిన అవసరం లేకుండా సేవలు అందుబాటులో ఉంటాయి. అంతేకాకుండా మీ టికెట్‌  యాప్ సేవలను కూడా ఇందులో అనుసంధానం చేయనున్నారు.