ముగిసిన వీర్ పోరాటం

హంబర్గ్ స్క్వాష్ ఓపెన్‌లో భారత యువ క్రీడాకారుడు వీర్ చోత్రాని పోరాటం ముగిసింది. పురుషుల సింగిల్స్ క్వార్టర్ ఫైనల్‌లో ఫ్రాన్స్‌కు చెందిన బాప్టిస్ మసోట్టి చేతిలో 10-12, 11-9, 12-14, 11-9, 6-11తో ఓడిపోయాడు. తొలి గేమ్ నుంచే ఇద్దరి మధ్య ఉత్కంఠభరిత పోరు సాగింది.

69 నిమిషాల పాటు జరిగిన ఈ పోరులో చోత్రాని కొన్నిసార్లు పుంజుకుని పోటీలోకి వచ్చినా, ప్రత్యర్థి సమర్థంగా ప్రతిస్పందించి మ్యాచ్‌ను తన ఖాతాలో వేసుకున్నాడు. మరోవైపు భారత ఆటగాళ్లు అభయ్ సింగ్, రమిత్ టాండన్, జోష్నా చినప్ప ఇప్పటికే టోర్నీ నుంచి వైదొలిగారు.