హెచ్‌సీఎల్ టెక్ లాభాల్లో వృద్ధి… ఎంతంటే..!

హెచ్‌సీఎల్ టెక్ 2025–26 ఆర్థిక సంవత్సరంలోని జనవరి నుంచి మార్చి వరకు ₹4,488 కోట్ల లాభాన్ని నమోదు చేసింది. గత ఏడాది ఇదే కాలంతో పోలిస్తే ఇది 4.2% ఎక్కువ. ఈ వృద్ధికి ఏఐ సేవలకు పెరిగిన డిమాండ్ ముఖ్య కారణంగా నిలిచింది. కంపెనీ ఆదాయం కూడా 12.34% పెరిగి ₹33,981 కోట్లకు చేరింది. త్రైమాసికంగా చూసినప్పుడు లాభం 10.10% పెరిగింది, ఆదాయం మాత్రం స్వల్పంగా 0.32% మాత్రమే పెరిగింది. మొత్తం సంవత్సరానికి కంపెనీ ₹16,642 కోట్ల లాభం, ₹1,30,144 కోట్ల ఆదాయం నమోదు చేసింది.

సీఈఓ విజయ్‌కుమార్ మాట్లాడుతూ గత ఏడాది గిరాకీ పరిస్థితి కొంత అనిశ్చితంగా ఉందని చెప్పారు. క్లయింట్లు ఖర్చులు తగ్గించడం, నిర్ణయాలు ఆలస్యంగా తీసుకోవడం వల్ల ప్రభావం పడిందన్నారు. అయితే ఏఐ సేవలు మాత్రం బాగా పెరిగాయని తెలిపారు. విభాగాల వారీగా ఐటీ, బిజినెస్ సర్వీసులు 4.3%, ఇంజినీరింగ్ & ఆర్ అండ్ డీ సేవలు 3.8% వృద్ధి సాధించాయి. సాఫ్ట్‌వేర్ విభాగం మాత్రం 14.1% తగ్గింది. కంపెనీ ఏడాదిలో 11,744 మంది కొత్త ఉద్యోగులను తీసుకుంది. అలాగే ఒక్కో షేరుకు ₹24 మధ్యంతర డివిడెండ్ ప్రకటించింది.