బీజేపీ ప్రెసిడెంట్ హౌస్ అరెస్ట్

హైదరాబాద్‌లో రాజకీయ ఉద్రిక్తతల మధ్య బీజేపీ రాష్ట్ర అధ్యక్షుడు ఎన్. రాంచందర్ రావును ఆయన ఇంటిలోనే గృహ నిర్బంధం చేశారు. మహిళా బిల్లును అడ్డుకున్న కాంగ్రెస్‌పై నిరసనలు చేపట్టాలని బీజేపీ నిర్ణయించగా, సీఎం నివాసాన్ని ముట్టడించేందుకు పిలుపునిచ్చిన నేపథ్యంలో పోలీసులు ముందస్తుగా ఈ చర్యలు తీసుకున్నారు.

పోలీసులు ఇంటి దగ్గరే అడ్డుకోవడంతో రాంచందర్ రావు బయటకు వెళ్లలేకపోయారు. ఈ సందర్భంగా ఆయన కాంగ్రెస్‌పై తీవ్ర విమర్శలు చేశారు. మహిళల సాధికారతకు కాంగ్రెస్ ద్రోహం చేసిందని ఆరోపిస్తూ, తమ పోరాటం కొనసాగుతుందని చెప్పారు. రాష్ట్రంలో రాజకీయ ఉద్రిక్తతలు ఇంకా పెరిగే అవకాశం ఉంది.