జగపతిబాబు చేతుల మీదుగా కొణికి లక్స్ స్కిన్ కేర్ ప్రారంభం

తెలుగు సినీ పరిశ్రమలో ప్రముఖ హెయిర్ స్టైలిస్ట్‌గా గుర్తింపు పొందిన రామ్ కొణికి, ఇప్పుడు స్కిన్ కేర్ రంగంలోకి అడుగుపెట్టారు. కొణికి లక్స్ పేరుతో కొత్త స్కిన్ కేర్ సేవలను హైదరాబాద్‌లోని జూబ్లీహిల్స్, రోడ్ నంబర్ 45 లో ప్రారంభించారు. ఈ కార్యక్రమాన్ని ప్రముఖ నటుడు జగపతిబాబు ప్రారంభించడం ప్రత్యేకతగా నిలిచింది. డెర్మటాలజిస్ట్ డాక్టర్ అలేఖ్య రెడ్డి నాయకత్వంలో, నైపుణ్యం కలిగిన ప్రొఫెషనల్స్ సహకారంతో ఆధునిక సాంకేతికత మరియు సర్టిఫైడ్ పరికరాలతో వ్యక్తిగత అవసరాలకు అనుగుణంగా స్కిన్ కేర్ సేవలు అందించనున్నట్లు తెలిపారు.

ఈ సందర్భంగా జగపతిబాబు మాట్లాడుతూ, తన రెండో ఇన్నింగ్స్ ప్రారంభమైనప్పటి నుంచి రామ్ కొణికితో మంచి అనుబంధం ఉందని చెప్పారు. తనకు అవసరమైన హెయిర్ స్టైల్‌ను రామ్ ఎంతో శ్రద్ధగా చేస్తారని, ఆయన నిరంతరం కొత్త విషయాలు నేర్చుకుంటూ ముందుకు సాగడం అభినందనీయమని పేర్కొన్నారు.

రామ్ కొణికి మాట్లాడుతూ, ఇప్పటివరకు హెయిర్ సేవల్లో మంచి గుర్తింపు పొందిన తాము, ఇప్పుడు స్కిన్ కేర్ విభాగంలోకి అడుగుపెట్టడం ఆనందంగా ఉందన్నారు. భవిష్యత్తులో మెట్రో నగరాలతో పాటు ఇతర పట్టణాలకు విస్తరించే ప్రణాళిక ఉన్నట్లు తెలిపారు. ప్రొఫెషనల్ సేవలతో, వైద్యుల పర్యవేక్షణలో అత్యాధునిక పద్ధతుల్లో సేవలు అందిస్తామని చెప్పారు. డాక్టర్ అలేఖ్య రెడ్డి మాట్లాడుతూ, ప్రతి కస్టమర్‌కు వ్యక్తిగత ప్రోటోకాల్ ప్రకారం సేవలు అందిస్తామని, సేఫ్టీకి అత్యధిక ప్రాధాన్యం ఇస్తామని తెలిపారు.