ఫిట్‌నెస్‌పై కోహ్లీ అప్‌డేట్

లఖ్‌నవూ సూపర్ జెయింట్స్‌తో జరిగిన మ్యాచ్‌లో విరాట్ కోహ్లీ అనూహ్యంగా ఇంపాక్ట్ ప్లేయర్‌గా బరిలోకి దిగి ఆర్సీబీ విజయానికి కీలకంగా మారాడు. గత మ్యాచ్‌లోనే మోకాలి నొప్పితో బాధపడుతున్నప్పటికీ ఆడుతూ 49 పరుగులు చేసి జట్టు గెలుపులో ముఖ్య పాత్ర పోషించాడు.

మ్యాచ్ అనంతరం కోహ్లీ తన ఫిట్‌నెస్‌పై స్పందించాడు. గత మ్యాచ్‌తో పోలిస్తే ఇప్పుడు బాగానే ఉన్నప్పటికీ ఇంకా పూర్తిగా కోలుకోలేదని చెప్పాడు. ముంబయితో జరిగిన మ్యాచ్‌లో మోకాలి గాయం తగిలిందని తెలిపిన ఆయన, పరిస్థితులకు అనుగుణంగా ఆటలో మార్పులు చేసుకుంటూ తన ప్రదర్శనను మెరుగుపరుచుకుంటున్నానని వెల్లడించాడు.