వృద్ధుల కోసం ఉచిత తిరుపతి బాలాజీ దర్శన పథకం ప్రారంభం

తిరుపతిలో వృద్ధ భక్తుల సౌకర్యాన్ని దృష్టిలో పెట్టుకుని ఉచిత బాలాజీ దర్శన పథకాన్ని ప్రారంభించారు. ఈ పథకాన్ని ముఖ్యమంత్రి చంద్రబాబు నాయుడు అధికారికంగా ప్రారంభించారు. ఈ సదుపాయం 65 సంవత్సరాలు మరియు అంతకంటే ఎక్కువ వయస్సు ఉన్న వృద్ధులకు అందుబాటులో ఉంటుంది. ప్రతిరోజూ ఉదయం 10 గంటలకు, అలాగే మధ్యాహ్నం 3 గంటలకు వృద్ధులు స్వామివారిని ఉచితంగా దర్శించుకునే అవకాశం కల్పించనున్నారు.

దర్శనానికి హాజరయ్యే భక్తులు ఎస్-1 కౌంటర్ వద్ద తమ ఫోటో గుర్తింపు కార్డు, వయస్సు ధృవీకరణ పత్రాన్ని చూపాల్సి ఉంటుంది. ధృవీకరణ అనంతరం వారికి దర్శన అనుమతి ఇస్తారు. వృద్ధులు వంతెన కింద ఉన్న గ్యాలరీ మార్గం గుండా, దేవాలయ కుడి గోడ వెంబడి ముందుకు సాగితే దర్శన మార్గం స్పష్టంగా కనిపిస్తుంది. క్యూ  లైన్‌ లోకి ప్రవేశించిన తర్వాత సుమారు 30 నిమిషాల్లో దర్శనం పూర్తవుతుంది.

దర్శనం అనంతరం భక్తులకు ఉచిత భోజనం తో పాటు వేడి పాలను కూడా అందించనున్నారు. ఈ పథకానికి సంబంధించిన సహాయం లేదా సమాచారం కోసం తిరుమల తిరుపతి దేవస్థానం హెల్ప్‌డెస్క్ నంబర్ 87722 77777 ను సంప్రదించవచ్చు.