కేసీఆర్, కేటీఆర్‌లకు భారీ ఊరట… నాంపల్లి కోర్టు కీలక తీర్పు!

తెలంగాణ ఉద్యమ సమయంలో జరిగిన సకల జనుల సమ్మె నేపథ్యంలో నమోదైన కేసులో మాజీ ముఖ్యమంత్రి కేసీఆర్ మరియు మంత్రి కేటీఆర్లకు పెద్ద ఊరట లభించింది. 2011లో నమోదైన ఈ కేసును నాంపల్లి ప్రజాప్రతినిధుల కోర్టు తాజాగా కొట్టివేసింది, దీంతో ఈ కేసు నుంచి వారికి విముక్తి లభించింది.

ఆ సమయంలో సమ్మెలో పాల్గొన్నందుకు కేసీఆర్, కేటీఆర్, హరీశ్ రావు, దానోజ్ ప్రకాశ్ సహా మరికొందరిపై పోలీసులు కేసు నమోదు చేశారు. ఈ కేసుపై విచారణ జరిపిన తర్వాత నాంపల్లి కోర్టు సాక్ష్యాధారాలను పరిశీలించి కేసును కొట్టివేస్తూ తీర్పు ఇచ్చింది, దీంతో ఈ వ్యవహారం ముగిసినట్లైంది.