ఢిల్లీ హైకోర్టుకు అల్లు అర్జున్‌

అల్లు అర్జున్ తన వ్యక్తిత్వ హక్కుల పరిరక్షణ కోసం ఢిల్లీ హైకోర్టును ఆశ్రయించారు. తన పేరు, ఫోటో, వాయిస్‌లను అనుమతి లేకుండా ఎవరూ ఉపయోగించకుండా నిరోధించాలని కోరుతూ పిటీషన్‌ దాఖలు చేశారు. ఈ విధంగా అనుమతి లేకుండా వినియోగించడం తన హక్కులకు విరుద్ధమని, ప్రజలను తప్పుదారి పట్టించే ప్రమాదం ఉందని ఆయన పేర్కొన్నారు.

తన పేరు, ఫోటోలను ఉపయోగించి పలు ఉత్పత్తులను విక్రయిస్తూ కొందరు వ్యాపార ప్రయోజనాలు పొందుతున్నారని, దీని వల్ల తన ప్రతిష్ఠకు భంగం కలుగుతోందని పిటీషన్‌లో తెలిపారు. అలాంటి వారిపై కఠిన చర్యలు తీసుకోవాలని కోర్టును కోరారు. డిజిటల్‌ యుగంలో వ్యక్తిత్వ హక్కుల ప్రాముఖ్యతను ఈ కేసు మరింత స్పష్టం చేస్తోంది.