ప్రతి ఏడాది లక్ష మంది అగ్నివీరులను తీసుకోనున్నదా ఇండియన్ ఆర్మీ?

జాతీయ మీడియాలో వచ్చిన తాజా కథనాల ప్రకారం, ఇండియన్ ఆర్మీ ఇకపై ప్రతి ఏడాది సుమారు 1 లక్ష అగ్నివీరులను నియమించుకునే ప్రణాళికలో ఉన్నట్లు తెలుస్తోంది. ప్రస్తుతం సైన్యం సంవత్సరానికి 45–50 వేల మంది అగ్నివీరులను మాత్రమే తీసుకుంటోంది. అయితే, బలగాల బలం పెంచడానికి ఈ సంఖ్యను లక్షకు పెంచాలని ఆర్మీ భావిస్తున్నట్లు సమాచారం.

రివ్యూ చేయాల్సిన పరిస్థితులు

సైన్యంలో భారీ శూన్యత ఎందుకు ఏర్పడిందంటే:

• కోవిడ్ సమయంలో (2020–21) నియామకాలు పూర్తిగా నిలిచిపోవడం

• ఆ రెండు ఏళ్లలోనే ప్రతి సంవత్సరం 60–65 వేల మంది సైనికులు రిటైర్ అవ్వడం

• నియామకాలు లేకపోవడంతో ఖాళీలు భారీగా పెరగడం

2022లో అగ్నిపథ్ పథకం ప్రారంభించిన తర్వాత మూడు దళాల్లో 46 వేల పోస్టులు భర్తీ చేయడానికి ప్రయత్నించారు. అయినా కూడా, 2023 గణాంకాల ప్రకారం, ఆర్మీ, నేవీ, ఎయిర్ ఫోర్స్‌ల్లో కలిపి 1.55 లక్షల ఖాళీలు కొనసాగుతున్నాయి.

ఖాళీలు 1.8 లక్షలకు చేరుకున్నాయా?

వరుస రిటైర్మెంట్లు, తక్కువ నియామకాల కారణంగా ఖాళీల సంఖ్య ఈ ఏడాదికి 1.8 లక్షల దాకా చేరినట్లు తెలుస్తోంది.

2022లో చేరిన మొదటి బ్యాచ్ అగ్నివీరులకు వచ్చే ఏడాదితో నాలుగు ఏళ్ల కాలం పూర్తికానుంది. ఈ నేపథ్యంలో వచ్చే అవసరాలను దృష్టిలో పెట్టుకుని, ఈ ఏడాది లక్ష మంది అగ్నివీరులను తీసుకోవడానికి ఇండియన్ ఆర్మీ సిద్ధమవుతోందని సమాచారం.