గ్యాస్ సిలిండర్ల బ్లాక్ మార్కెట్ ముఠా అరెస్ట్

హైదరాబాద్లో గ్యాస్ సిలిండర్ల బ్లాక్ మార్కెటింగ్‌కు పాల్పడుతున్న ముఠాను పోలీసులు అరెస్ట్ చేశారు. పంజాగుట్ట స్మశానవాటిక వద్ద అక్రమంగా సిలిండర్లు నిల్వ చేస్తున్న 9 మందిని అదుపులోకి తీసుకుని, మొత్తం 414 గ్యాస్ సిలిండర్లను స్వాధీనం చేసుకున్నారు.

ఈ ముఠా కమర్షియల్ సిలిండర్‌ను రూ.2,000 ధరకు తీసుకుని, రూ.6,000కు విక్రయిస్తూ భారీగా లాభాలు ఆర్జిస్తున్నట్లు పోలీసులు గుర్తించారు. సిలిండర్ల బ్లాక్ మార్కెటింగ్‌పై కఠిన చర్యలు తీసుకుంటామని టాస్క్‌ఫోర్స్ డీసీపీ గైక్వాడ్ హెచ్చరించారు.