గ్యాంగ్‌స్టర్ నయీమ్‌ కేసులో ఛార్జ్‌షీట్‌ దాఖలు చేసిన ఈడీ

గ్యాంగ్‌స్టర్ నయీమ్‌కు సంబంధించిన కేసులో ఎన్‌ఫోర్స్‌మెంట్ డైరెక్టరేట్ (ఈడీ) ఛార్జ్‌షీట్‌ను దాఖలు చేసింది. ఈ కేసులో మొత్తం 10 మంది పై అభియోగాలు నమోదు చేసినట్లు ఈడీ వెల్లడించింది. దర్యాప్తులో భాగంగా నయీమ్‌కు సంబంధించిన 91 ఆస్తులను గుర్తించి వాటిని ఫ్రీజ్ చేసినట్లు అధికారులు తెలిపారు. ఈ ఆస్తుల్లో పలువాటిని నయీమ్ బలవంతంగా రిజిస్ట్రేషన్ చేయించుకున్నట్లు ఈడీ గుర్తించింది.

నయీమ్ పేరు మీదే కాకుండా, అతని కుటుంబ సభ్యుల పేర్ల పై కూడా భారీగా ఆస్తులు ఉన్నట్లు దర్యాప్తులో బయటపడినట్లు సమాచారం.