ఫామ్‌హౌస్‌ డ్రగ్స్‌ కేసులో ముగిసిన నిందితుల కస్టడీ

హైదరాబాద్‌లో సంచలనం సృష్టించిన ఫామ్‌హౌస్ డ్రగ్స్ కేసులో నిందితుల కస్టడీ ముగిసింది. ప్రత్యేక దర్యాప్తు బృందం (సిట్‌) ముగ్గురు నిందితులను మూడు రోజుల పాటు కస్టడీలో ఉంచి కీలక విషయాలపై విచారించింది. విచారణ అనంతరం నిందితులను శంషాబాద్ పోలీస్ స్టేషన్ నుంచి కోర్టుకు తరలించారు.

కస్టడీ సమయంలోనే నిందితులకు వైద్య పరీక్షలు కూడా పూర్తి చేశారు. పార్టీ సందర్భంగా జరిగిన కాల్పులు, డ్రగ్స్ వినియోగం వంటి అంశాలపై సిట్‌ కీలక సమాచారం సేకరించినట్లు తెలుస్తోంది. ఈ కేసులో మరిన్ని వివరాలు వెలుగులోకి వచ్చే అవకాశముంది.