“గువ్వల చెరువు ఘాట్” వెబ్ సిరీస్ మీ అందరినీ గర్వపడేలా చేస్తుంది – కిరణ్ అబ్బవరం

కిరణ్ అబ్బవరం అమేజాన్ ప్రైమ్ వీడియో కోసం చేస్తున్న వెబ్ సిరీస్ “గువ్వల చెరువు ఘాట్” పై మంచి అంచనాలు ఏర్పడుతున్నాయి. ఈ సిరీస్‌లో తిరువీర్, సంయుక్త, తేజస్వి రావు ముఖ్య పాత్రల్లో నటిస్తున్నారు. డ్రీమ్ ఫార్మర్స్ ఎల్‌ఎల్‌పీ బ్యానర్‌పై బాపినీడు.బి, సుధీర్ ఈదర ఈ ప్రాజెక్ట్‌ను నిర్మిస్తున్నారు. భరత్ కమ్మ ఈ సిరీస్‌ను ఆసక్తికర కథతో తెరకెక్కిస్తున్నారు. త్వరలో ఈ వెబ్ సిరీస్ స్ట్రీమింగ్ కానుంది. ఇటీవల విడుదలైన ఫస్ట్ లుక్ వీడియో ప్రేక్షకుల నుంచి మంచి స్పందనను అందుకుంది.

ఈ వెబ్ సిరీస్ విజయం పై కిరణ్ అబ్బవరం నమ్మకంగా ఉన్నారు. తన సోషల్ మీడియా పోస్టులో ఆయన మాట్లాడుతూ, “ఈ కంటెంట్ ఎప్పుడు విడుదల అవుతుందో తెలియదు, కానీ విడుదలైన రోజు మాత్రం మీరు అందరూ గర్వపడతారు” అని అన్నారు. ఆయన వ్యాఖ్యలతో ఈ సిరీస్‌పై ప్రేక్షకుల్లో మరింత ఆసక్తి పెరిగింది.