మున్సిపల్ ఎన్నికల్లో కాంగ్రెస్ దే హవా, ఎగ్జిట్ పోల్స్ లో వెల్లడి

తెలంగాణలో బుధవారం జరిగిన మున్సిపల్ ఎన్నికలు ప్రశాంతంగా ముగిశాయి. ఉదయం నుంచి సాయంత్రం వరకు ఓటర్లు భారీగా పోలింగ్ కేంద్రాలకు తరలి వెళ్లి తమ ఓటు హక్కును వినియోగించుకున్నారు. రాష్ట్రవ్యాప్తంగా 116 మున్సిపాలిటీలు, 7 కార్పొరేషన్లకు జరిగిన ఈ ఎన్నికల్లో కాంగ్రెస్ పార్టీ ఆధిపత్యం ప్రదర్శించనుందని పీపుల్స్ పల్స్ ఎగ్జిట్ పోల్స్ సూచించాయి.

కరీంనగర్, నిజామాబాద్ కార్పొరేషన్లలో బీజేపీ అతిపెద్ద పార్టీగా అవతరించే అవకాశాలు ఉన్నాయని సర్వే పేర్కొంది. ప్రధాన ప్రతిపక్షమైన బీఆర్ఎస్ పార్టీకి ఈ ఎన్నికలు ప్రతికూలంగా మారే అవకాశం ఉందని, కొన్ని కార్పొరేషన్లలో అధికార నిర్ణయంలో ఎంఐఎం కీలక పాత్ర పోషించే అవకాశం ఉందని అంచనా వెల్లడించింది.