NHRC ఆదేశాలతో ఎమ్మెల్యే అరవ శ్రీధర్‌పై కేసు నమోదు

తిరుపతి జిల్లా రైల్వే కోడూరు పోలీస్ స్టేషన్‌లో ఎమ్మెల్యే అరవ శ్రీధర్‌పై కేసు నమోదు అయ్యింది. ఒక మహిళ, గత ఏడాదిన్నర కాలంగా ఎమ్మెల్యే తనపై అత్యాచారం చేశారని ఆరోపిస్తూ జాతీయ మానవ హక్కుల కమిషన్ (NHRC)కు ఫిర్యాదు చేసింది.

ఈ ఫిర్యాదును పరిశీలించిన NHRC, తిరుపతి జిల్లా ఎస్పీకి ఫోన్ చేసి వెంటనే చర్యలు తీసుకోవాలని ఆదేశాలు జారీ చేసింది. కమిషన్ ఆదేశాల మేరకు రైల్వే కోడూరు పోలీస్ స్టేషన్‌లో ఎమ్మెల్యే అరవ శ్రీధర్‌పై కేసు నమోదు చేశారు. ఈ ఘటన ప్రస్తుతం రాజకీయంగా, సామాజికంగా చర్చనీయాంశంగా మారింది.