ఏపీ మద్యం కేసు, ముగ్గురు నిందితులకు బెయిల్ నిరాకరించిన సుప్రీం

ఏపీ మద్యం కేసులో ముగ్గురు నిందితులకు సుప్రీంకోర్టులో ఎదురుదెబ్బ తగిలింది. బాలాజీ గోవిందప్ప, కృష్ణమోహన్‌రెడ్డి, ధనుంజయ్‌రెడ్డికి రెగ్యులర్ బెయిల్ మంజూరు చేయడానికి అత్యున్నత న్యాయస్థానం నిరాకరించింది. రెగ్యులర్ బెయిల్ కోసం సంబంధిత ట్రయల్ కోర్టును ఆశ్రయించాలని సీజేఐ ధర్మాసనం సూచించింది. ఈ ప్రక్రియ కోసం నిందితులకు నాలుగు వారాల గడువు ఇచ్చింది.

ప్రభుత్వ న్యాయవాదులు ముగ్గురు నిందితులు ఇప్పటికే డిఫాల్ట్ బెయిల్‌పై బయట ఉన్నారని కోర్టు దృష్టికి తీసుకువచ్చారు. అయితే రెగ్యులర్ బెయిల్ కోసం చట్టపరమైన నిబంధనలు తప్పనిసరిగా పాటించాల్సిందేనని సుప్రీంకోర్టు స్పష్టం చేసింది. ఈ కేసులో న్యాయ ప్రక్రియ చట్టబద్ధంగా కొనసాగాల్సిందేనని కోర్టు వ్యాఖ్యానించింది.