సెలబ్రిటీ కుటుంబాన్ని తాకిన క్రెడిట్ కార్డ్ మోసం

బాలీవుడ్ నటి అర్చన పూరన్ సింగ్ చిన్న కుమారుడు ఆయుష్మాన్ సేథీ ఆన్‌లైన్ క్రెడిట్ కార్డ్ మోసానికి గురై ₹87,000 కోల్పోయినట్లు సమాచారం. ఈ విషయాన్ని ఆయన అన్నయ్య ఆర్యమాన్ సేథీ తన యూట్యూబ్ వ్లాగ్‌లో వెల్లడించారు. బయటకు వెళ్లిన సమయంలో తన ఖాతా నుంచి పెద్ద మొత్తంలో డబ్బు డెబిట్ అయినట్లు నోటిఫికేషన్ రావడంతో ఆయుష్మాన్ ఒక్కసారిగా షాక్‌కు గురైనట్లు తెలిపారు.

ఆర్యమాన్ తెలిపిన ప్రకారం, గుర్తుతెలియని వ్యక్తులు ఆయుష్మాన్ క్రెడిట్ కార్డ్ వివరాలను ఉపయోగించి ఈ లావాదేవీలు చేశారు. వెంటనే కస్టమర్ సపోర్ట్‌ను సంప్రదించి ట్రాన్సాక్షన్లను నిలిపివేయాలని కోరినప్పటికీ డబ్బు ఇంకా తిరిగి రాలేదు. ఆన్‌లైన్ లావాదేవీల్లో, ముఖ్యంగా గేమింగ్ మరియు సబ్‌స్క్రిప్షన్ల విషయంలో జాగ్రత్తగా ఉండాలని ఆయన సూచించారు.