సోషల్ మీడియాలో వైరల్ అవుతున్న టీటీడీ ఫేక్ వెబ్ సైట్

తిరుమల తిరుపతి దేవస్థానం (టీటీడీ) పేరుతో రూపొందించిన నకిలీ వెబ్‌సైట్ సోషల్ మీడియాలో వైరల్ అవుతోంది. అసలు టీటీడీ వెబ్‌సైట్ తరహాలోనే ఈ ఫేక్ సైట్‌ను సైబర్ మోసగాళ్లు డిజైన్ చేసి భక్తులను లక్ష్యంగా చేసుకుంటున్నారు.

ttddevasthanam.online పేరుతో ఉన్న ఈ వెబ్‌సైట్‌లో వివిధ సేవలు, వీఐపీ బ్రేక్ దర్శనం, శ్రీవాణి దర్శన టికెట్లు అందుబాటులో ఉన్నట్లు చూపిస్తున్నారు. ఇలాంటి నకిలీ వెబ్‌సైట్లను నమ్మి మోసపోవద్దని టీటీడీ ఇప్పటికే పలుమార్లు భక్తులను హెచ్చరించింది.