ఇండియన్ సినిమాలో బిగ్గెస్ట్ ఫ్యాన్ వార్స్ ఏవి?

సినిమా హీరోల మధ్య పోటీ కంటే అభిమానుల మధ్య కనిపించే పోరాటమే సోషల్ మీడియాలో ఎక్కువ చర్చకు దారితీస్తుంటుంది. ఒకప్పుడు థియేటర్ల దగ్గర కనిపించిన ఈ అభిమానుల పోటీ ఇప్పుడు సామాజిక మాధ్యమాల కారణంగా మరింత తీవ్ర రూపం దాల్చింది. బాలీవుడ్‌లో సల్మాన్–షారుఖ్, హృతిక్–ఖాన్స్ మధ్య అభిమానుల రైవలరీ తరచూ హాట్ టాపిక్‌గా మారుతుంటుంది. దక్షిణాదిలో ప్రభాస్–అల్లు అర్జున్, ఎన్టీఆర్–రామ్ చరణ్, విజయ్–అజిత్, మహేష్ బాబు–పవన్ కళ్యాణ్ అభిమానుల మధ్య కూడా ఇలాంటి పోటీ కనిపిస్తుంది.ఇటీవల విజయ్ దేవరకొండ–నాని అభిమానుల మధ్య కూడా సోషల్ మీడియాలో మాటల యుద్ధం కనిపిస్తోందనే చర్చ మొదలైంది. తమ హీరో గొప్ప అంటే తమ హీరో గొప్ప అంటూ అభిమానులు చేసే పోస్టులు, వ్యాఖ్యలు ఒక్కోసారి హద్దులు దాటుతున్నాయి. సినిమాల విడుదల సమయంలో ఈ పోటీ మరింత స్పష్టంగా బయటపడుతోంది.