

యువ దర్శకుడు వెంకీ అట్లూరి తన తదుపరి సినిమా విషయంలో ఆసక్తికరమైన ప్రయత్నాలు చేస్తున్నట్లు తెలుస్తోంది. ఇప్పటికే వరుస విజయాలతో మంచి గుర్తింపు తెచ్చుకున్న ఆయన, కొత్త కథతో టాలీవుడ్కు చెందిన ఇద్దరు ప్రముఖ హీరోలను సంప్రదించినట్లు సమాచారం. విజయ్ దేవరకొండ, నానికి ఈ కథ గురించి వివరించినట్లు సినీ వర్గాల్లో ప్రచారం జరుగుతోంది. అయితే ఇద్దరికీ ఇప్పటివరకు పూర్తి స్థాయి కథా వివరణ ఇవ్వలేదని తెలుస్తోంది.
ఈ ఇద్దరిలో ఎవరికైతే కథ బాగా నచ్చుతుందో, వారితోనే సినిమాను ముందుకు తీసుకెళ్లాలని వెంకీ అట్లూరి భావిస్తున్నట్లు టాక్ వినిపిస్తోంది. ప్రస్తుతం కథకు సంబంధించి ప్రాథమిక చర్చలు మాత్రమే జరిగినట్లు సమాచారం. హీరో ఎంపిక పూర్తయిన తర్వాత మిగతా నటీనటులు, సాంకేతిక బృందం వివరాలపై స్పష్టత వచ్చే అవకాశం ఉంది. మరి విజయ్ దేవరకొండ, నానిలలో ఈ కథకు ఎవరు ఓకే చెబుతారో చూడాలి. ఈ ప్రాజెక్ట్ కార్యరూపం దాలిస్తే ప్రేక్షకుల్లో మంచి ఆసక్తి నెలకొనడం ఖాయం.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!