

వైట్హౌస్ మాజీ ప్రెస్ సెక్రటరీ కరోలిన్ లీవిట్ పదవి నుంచి వైదొలిగిన తర్వాత ఆమె స్థానంలో కొత్త వ్యక్తిని నియమించేందుకు ట్రంప్ యంత్రాంగం ప్రయత్నిస్తోంది. ఇటీవల కేటీ జకారియాను ఆ బాధ్యతల్లో నియమించినప్పటికీ.. ఆమె పనితీరుపై విమర్శలు, విద్యార్హతలపై ప్రశ్నలు తలెత్తడంతో ఐదు రోజులకే పదవి నుంచి తొలగించినట్లు సమాచారం. ఈ నేపథ్యంలో అమెరికా అధ్యక్షుడు డొనాల్డ్ ట్రంప్ కరోలిన్ లీవిట్ గురించి ఆసక్తికర వ్యాఖ్యలు చేశారు. తాను అమెరికా అధ్యక్షుడినైనా, కరోలిన్ తనకంటే బిడ్డనే ఎక్కువగా ప్రేమిస్తోందని సరదాగా వ్యాఖ్యానించారు. అందుకే ప్రసవం తర్వాత తిరిగి విధుల్లోకి రావడానికి ఆమె అంగీకరించలేదని చమత్కరించారు.
కరోలిన్ లీవిట్ వైట్హౌస్ ప్రెస్ సెక్రటరీగా ఎంతో హుందాగా, అద్భుతంగా పనిచేశారని ట్రంప్ ప్రశంసించారు. ఆమె స్థానంలో మరో వ్యక్తిని నియమించడం చాలా కష్టంగా మారిందని, ఇదొక పెద్ద సమస్యగా పరిణమించిందని పేర్కొన్నారు. ఈ విషయాన్ని కరోలిన్తో కూడా చర్చించినట్లు తెలిపారు. అయితే, ఆమె తన బిడ్డకు ప్రాధాన్యం ఇవ్వడాన్ని గొప్ప విషయంగా అభివర్ణించారు. ప్రస్తుతం కరోలిన్ ఓ మీడియా సంస్థలో పనిచేస్తున్నారని, భవిష్యత్తులో ఆమె పెద్ద స్టార్గా ఎదుగుతారని ట్రంప్ ఆశాభావం వ్యక్తం చేశారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!