

ఓటరు జాబితా ప్రత్యేక సమగ్ర సవరణ (SIR)ను అడ్డుకునేందుకు ప్రయత్నించే వారంతా దేశద్రోహులేనని కేంద్ర మంత్రి బండి సంజయ్ తీవ్ర వ్యాఖ్యలు చేశారు. ఆదివారం కరీంనగర్లోని గురుద్వారా వద్ద సోలార్ ప్యానెల్ను ప్రారంభించిన అనంతరం ఆయన మీడియాతో మాట్లాడారు. SIRపై అభ్యంతరాలు వ్యక్తం చేస్తున్న వారిని ఉద్దేశించి ఈ వ్యాఖ్యలు చేశారు. ముఖ్యమంత్రి రేవంత్రెడ్డికి BJP అంటే భయమని, రాష్ట్రంలో తమ పార్టీని అడ్డుకునేందుకు కాంగ్రెస్, BRS ఒక్కటవుతున్నాయని ఆరోపించారు. ఈసారి తెలంగాణలో డబుల్ ఇంజిన్ ప్రభుత్వం ఏర్పడటం ఖాయమని ధీమా వ్యక్తం చేశారు.
SIRపై ప్రజలకు వాస్తవాలు తెలియజేసేందుకే నవంబర్ 23న కరీంనగర్లో మహా పాదయాత్ర నిర్వహిస్తున్నట్లు బండి సంజయ్ ప్రకటించారు. ఈ పాదయాత్ర చరిత్ర సృష్టిస్తుందని అన్నారు. కార్యక్రమంలో BJP జాతీయ ప్రధాన కార్యదర్శి, తెలంగాణ రాష్ట్ర వ్యవహారాల ఇన్ఛార్జి సునీల్ బన్సల్, రాజ్యసభ సభ్యురాలు రేఖా శర్మ, తెలంగాణ BJP అధ్యక్షుడు రామచందర్రావు పాల్గొంటారని వెల్లడించారు. కాంగ్రెస్కు BJPని రాజకీయంగా ఎదుర్కొనే సత్తా లేదని ఆయన వ్యాఖ్యానించారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!