ఎలక్ట్రిక్ బస్సులతో ప్రైవేటీకరణ లేదన్న ఏపీఎస్‌ఆర్టీసీ!

సంస్థలో ఎలక్ట్రిక్ బస్సులను ప్రవేశపెట్టడం వల్ల ఏపీఎస్‌ఆర్టీసీ ప్రైవేటీకరణ కాదని, ఉద్యోగులకు ఎలాంటి నష్టం ఉండదని సంస్థ స్పష్టం చేసింది. సురక్షితమైన, ఆధునిక మరియు పర్యావరణహిత ప్రజారవాణా సేవలను మరింత మెరుగుపరచడమే లక్ష్యమని తెలిపింది.

ప్రధాని ఈ-బస్ సేవా పథకం కింద ఆంధ్రప్రదేశ్‌కు కేంద్ర ప్రభుత్వం 1,050 ఎలక్ట్రిక్ బస్సులను కేటాయించింది. ఇందులో 11 నగరాలకు 750 బస్సులు, తిరుమల-తిరుపతి ఘాట్ రోడ్ల కోసం 300 బస్సులు ఉన్నాయి. టెండర్లను కేంద్ర ప్రభుత్వమే నిర్వహించగా, పినాకిల్ ఇండియా లిమిటెడ్ సంస్థ బస్సులను సరఫరా చేయనున్నట్లు ఏపీఎస్‌ఆర్టీసీ వెల్లడించింది.