“ట్రంప్ వల్లే మద్యం వినియోగం పెరిగింది!”.. బీజేపీ నేత వ్యాఖ్యలు

మహారాష్ట్ర బీజేపీ వైస్ ప్రెసిడెంట్ సుజయ్ విఖే పాటిల్ చేసిన వ్యాఖ్యలు ఇప్పుడు రాజకీయ వర్గాల్లో ఆసక్తికర చర్చకు దారితీశాయి. భారత్‌లో మద్యం వినియోగం పెరగడంతో పాటు రోడ్ల నిర్మాణ పనులు ఆలస్యం కావడానికి డొనాల్డ్ ట్రంప్ విధానాలే కారణమని ఆయన వ్యాఖ్యానించారు.

యుద్ధం ఆగిపోయిందని ట్రంప్ ఒకసారి ప్రకటించడం, ఆ తర్వాత క్షిపణి దాడులు జరుగుతున్నట్లు వార్తలు రావడం వల్ల ప్రజల్లో అయోమయం పెరుగుతోందని సుజయ్ విఖే పాటిల్ అన్నారు. ఈ గందరగోళం కారణంగా కొందరు ఎక్కువగా మద్యం సేవిస్తున్నారని పేర్కొన్నారు. మరోవైపు, యుద్ధాల కారణంగా తారు సరఫరా ప్రభావితమై రోడ్ల నిర్మాణ పనులు ఆలస్యం అవుతున్నాయని ఆయన తెలిపారు. ఈ వ్యాఖ్యలు ప్రస్తుతం రాజకీయ వర్గాల్లో చర్చనీయాంశంగా మారాయి.