వన్‌ప్లస్ 16 డిస్‌ప్లే లీక్..

వన్‌ప్లస్ 16 స్మార్ట్‌ఫోన్ ఈ ఏడాది చివర్లో అధికారికంగా విడుదలయ్యే అవకాశం ఉంది. గతేడాది విడుదలైన వన్‌ప్లస్ 15కు ఇది తదుపరి వెర్షన్‌గా రానుంది. తాజాగా చైనా నుంచి వచ్చిన లీక్ ప్రకారం.. వన్‌ప్లస్ 16 డిస్‌ప్లే విషయంలో గణనీయమైన అప్‌గ్రేడ్‌ను పొందనుంది. BOEతో కలిసి వన్‌ప్లస్ కొత్త X4 లైట్-ఎమిటింగ్ మెటీరియల్‌ను కస్టమైజ్ చేసినట్లు సమాచారం. వన్‌ప్లస్ 15లో ఉపయోగించిన X3 మెటీరియల్‌తో పోలిస్తే ఇది మెరుగైన పవర్ ఎఫిషియెన్సీని అందించడంతో పాటు, డిస్‌ప్లే జీవితకాలాన్ని రెట్టింపు చేసే అవకాశం ఉన్నట్లు తెలుస్తోంది. నాలుగు వైపులా మరింత సన్నని బెజెల్స్‌తో ఫ్లాట్ డిస్‌ప్లేను తీసుకురానున్నట్లు సమాచారం.

టిప్‌స్టర్ డిజిటల్ చాట్ స్టేషన్ ప్రకారం.. అంతర్గత పరీక్షల్లో కొత్త X4 డిస్‌ప్లే పలు అంశాల్లో శాంసంగ్ M-సిరీస్ ల్యూమినసెంట్ మెటీరియల్ కంటే మెరుగైన పనితీరు కనబరిచినట్లు తెలుస్తోంది. వన్‌ప్లస్ 16లో 185Hz రిఫ్రెష్ రేట్, స్నాప్‌డ్రాగన్ 8 ఎలైట్ జెన్ 6 ప్రో చిప్‌సెట్ ఉండొచ్చని అంచనా. 8GB RAM, 256GB స్టోరేజ్ వేరియంట్ ధర సుమారు CNY 4,999 అంటే దాదాపు రూ.71,000గా ఉండొచ్చని సమాచారం. అయితే ఈ వివరాలను వన్‌ప్లస్ అధికారికంగా ధృవీకరించాల్సి ఉంది.