
జనరల్

రిలయన్స్ కన్స్యూమర్ ప్రొడక్ట్స్ లిమిటెడ్ కర్ణాటకలో భారీ పెట్టుబడికి సిద్ధమైంది. విజయపురలో క్యాంపా కోలా పానీయాల తయారీ కోసం కొత్త ప్లాంట్ను ఏర్పాటు చేయనుంది. ఇందుకోసం సంస్థ రూ.1,600 కోట్లను పెట్టుబడిగా పెట్టనుంది. ఈ తయారీ కేంద్రం అందుబాటులోకి వస్తే కంపెనీ పానీయాల ఉత్పత్తి సామర్థ్యం మరింత పెరగనుంది. ఈ ప్రాజెక్టు ద్వారా రాష్ట్రంలో పారిశ్రామిక కార్యకలాపాలకు కూడా ఊతం లభించనుంది.
సుమారు 109 ఎకరాల విస్తీర్ణంలో ఈ ప్లాంట్ను నిర్మించనున్నారు. ఈ ప్రాజెక్టు ద్వారా దాదాపు 2,000 మందికి ప్రత్యక్షంగా, మరో 3,000 మందికి పైగా పరోక్షంగా ఉపాధి అవకాశాలు లభిస్తాయని అంచనా వేస్తున్నారు. కొత్త తయారీ కేంద్రం ఏర్పాటుతో విజయపుర ప్రాంతంలో ఉద్యోగావకాశాలు పెరగడంతో పాటు స్థానిక ఆర్థిక వ్యవస్థ, పారిశ్రామిక అభివృద్ధికి ప్రోత్సాహం లభించనుంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!