

రియల్ ఎస్టేట్ రంగంలో బిల్డర్లు, ఇళ్ల కొనుగోలుదారుల మధ్య ఏకరీతి ఒప్పందాలు అమలు చేయాలని కేంద్ర ప్రభుత్వం ప్రతిపాదించింది. ఈ మేరకు సుప్రీంకోర్టులో 2020 నుంచి పెండింగ్లో ఉన్న పిటిషన్పై త్వరగా విచారణ చేపట్టాలని కోరింది. కేంద్ర పట్టణాభివృద్ధి, గృహనిర్మాణ మంత్రిత్వ శాఖ ఈ విజ్ఞప్తి చేసింది. బిల్డర్లు, గృహ కొనుగోలుదారుల మధ్య ఒప్పందాల్లో ఒకే తరహా నిబంధనలు ఉండేలా చర్యలు తీసుకోవాలని కేంద్రం అభిప్రాయపడింది.
రియల్ ఎస్టేట్ ఏజెంట్లు, కొనుగోలుదారుల మధ్య కూడా ఏకరీతి ఒప్పందాలు ఉండాలని కేంద్రం తన ప్రతిపాదనలో పేర్కొంది. ప్రస్తుతం కొన్ని ఒప్పందాల్లో బిల్డర్లు, ఏజెంట్లకు అనుకూలంగా ఏకపక్ష నిబంధనలు ఉంటున్నాయని, వాటి వల్ల వినియోగదారులు ఇబ్బందులు ఎదుర్కొంటున్నారని తెలిపింది. ఇలాంటి నిబంధనల నుంచి ఇళ్ల కొనుగోలుదారులకు రక్షణ కల్పించడం, ఒప్పందాల్లో పారదర్శకత తీసుకురావడం ఈ పిటిషన్ ప్రధాన లక్ష్యమని కేంద్రం వెల్లడించింది. ఈ నేపథ్యంలో పెండింగ్లో ఉన్న పిటిషన్పై త్వరగా విచారణ జరిపి తగిన నిర్ణయం తీసుకోవాలని సుప్రీంకోర్టును కోరింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!