

కాంగ్రెస్ అగ్రనేత రాహుల్ గాంధీ తన తల్లిదండ్రులు సోనియా గాంధీ, మాజీ ప్రధాని రాజీవ్ గాంధీ గురించి చేసిన వ్యాఖ్యలపై వస్తున్న విమర్శలను రచయిత్రి రుచి కొక్చా ప్రశ్నించారు. సోనియా గాంధీ రచించిన బిలాంగింగ్: ఎ జర్నీ ఆఫ్ లవ్ అనే పుస్తక ఆవిష్కరణ కార్యక్రమంలో రాహుల్ తన కుటుంబానికి సంబంధించిన ఓ వ్యక్తిగత జ్ఞాపకాన్ని పంచుకున్నారు. కుటుంబ సభ్యులు కలిసి భోజనం చేసే సమయంలో తన తల్లి సోనియా గాంధీ, తండ్రి రాజీవ్ గాంధీ ఒడిలో కూర్చునేవారని ఆయన గుర్తుచేసుకున్నారు. తల్లిదండ్రుల మధ్య ఉండే ప్రేమాభిమానాలకు ఇది సహజమైన వ్యక్తీకరణగా తాను ఎప్పుడూ భావించేవాడినని తెలిపారు. అయితే, ఈ వ్యాఖ్యలు సోషల్ మీడియాలో చర్చకు దారితీయడంతో పలువురు విమర్శలు గుప్పించారు.
ఈ విమర్శలపై స్పందించిన రచయిత్రి రుచి కొక్చా వ్యంగ్యంగా వ్యాఖ్యానించారు. భార్యలను కొట్టేవారు, ఇతరులను నియంత్రించాలనుకునేవారు, వేధింపులకు పాల్పడేవారు ఉన్న సమాజంలో ఈ విషయంపై ఆగ్రహం వ్యక్తం చేయడం పూర్తిగా సమర్థనీయమేనంటూ విమర్శకుల తీరుపై సెటైర్ వేశారు. మరోవైపు, తనపై విమర్శలు చేస్తున్న వారిని ఉద్దేశించి రాహుల్ గాంధీ కూడా స్పందించారు. బీజేపీ, ఆర్ఎస్ఎస్ మద్దతుదారులు భయం, కోపం, ద్వేషంతో నిండిపోయారని, అలాంటి పరిస్థితుల్లో ప్రేమకు చోటు ఉండదని ఆరోపించారు. ఈ పరిణామం సమాజంలోని ఆలోచనా విధానాలు, దాంపత్య సంబంధాలు, భార్యాభర్తల మధ్య ప్రేమాభిమానాల వ్యక్తీకరణపై విస్తృత చర్చకు దారితీసింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!