బిగ్‌బాస్‌ అగ్నిపరీక్ష వివాదంపై బిందు మాధవి క్లారిటీ

సోషల్‌ మీడియా ఇన్‌ఫ్లుయెన్సర్‌ ఉప్పల్‌ బాలు బిగ్‌బాస్‌ అగ్నిపరీక్ష జడ్జిలు నవదీప్‌, బిందు మాధవిపై సంచలన ఆరోపణలు చేశారు. బిగ్‌బాస్‌ తెలుగు సీజన్‌ 10 ఎంపిక ప్రక్రియలో తనను అవమానించి, హౌస్‌లోకి ఎంట్రీని తిరస్కరించారని ఆయన ఆరోపించారు. ఈ ప్రక్రియ ద్వారా ఇద్దరు లేదా ముగ్గురు సామాన్యులను ఎంపిక చేసి, వారిని సీజన్‌లోకి తీసుకునే ప్రయత్నం జరుగుతోంది.

ఈ వివాదంపై నిర్వహించిన ప్రెస్‌మీట్‌లో బిందు మాధవి స్పందించారు. ప్రస్తుతం షో ప్రసారం అవుతోందని, దాన్ని చూస్తే అసలు విషయం ప్రేక్షకులకు అర్థమవుతుందని చెప్పారు. అభ్యర్థులను పరీక్షించేందుకు వారితో వివిధ రకాలుగా మాట్లాడి, పలు ప్రశ్నలు అడిగామని తెలిపారు. అయితే ఆ సంభాషణలను ఎలాంటి విధంగా ఎడిట్‌ చేసి ప్రసారం చేశారో తమకు తెలియదని బిందు మాధవి పేర్కొన్నారు.

బిగ్‌బాస్‌ తెలుగు సీజన్‌ 10 సెప్టెంబర్‌ మొదటి వారంలో స్టార్‌ మాలో ప్రారంభం కానుంది. అక్కినేని నాగార్జున మరోసారి హోస్ట్‌గా వ్యవహరించనున్నారు. ఈ నేపథ్యంలో హౌస్‌లోకి ఎంట్రీ ఇచ్చే కంటెస్టెంట్లు ఎవరనే దానిపై ప్రేక్షకుల్లో ఆసక్తి నెలకొంది.