విద్యార్థుల నిరసనలపై విజయ్‌ సర్కార్‌ కీలక నిర్ణయం!

తమిళనాడులో విద్యార్థులు, యువత కాక్రోచ్‌ జనతా పార్టీ (సీజేపీ), వామపక్ష పార్టీల నిరసనల్లో పాల్గొనకుండా చూడాలని కళాశాలలకు జారీ చేసిన ఆదేశాలపై తీవ్ర విమర్శలు వెల్లువెత్తాయి. ఆగస్టు 17న ప్రభుత్వ ఆర్ట్స్‌, సైన్స్‌ కళాశాలల ప్రిన్సిపాళ్లకు కళాశాల విద్యా కమిషనర్‌ ఈ మేరకు ఉత్తర్వులు పంపారు. విద్యార్థులను నిరసనలకు దూరంగా ఉంచేందుకు పాఠశాల విద్య, ఉన్నత విద్యా విభాగాలు పోలీసులు, జిల్లా యంత్రాంగంతో సమన్వయం చేసుకోవాలని ఆదేశాల్లో పేర్కొన్నారు.

అయితే ఈ ఉత్తర్వులపై రాజకీయ, విద్యార్థి వర్గాల నుంచి విమర్శలు రావడంతో తమిళనాడు ప్రభుత్వం వెంటనే వెనక్కి తగ్గింది. బుధవారం ఆ ఆదేశాలను అధికారికంగా ఉపసంహరించుకుంది. నీట్‌ లీకేజీకి వ్యతిరేకంగా CJP దేశవ్యాప్తంగా చేపట్టిన నిరసనలకు వామపక్ష పార్టీలు మద్దతు తెలిపిన నేపథ్యంలోనే ఈ ఆదేశాలు జారీ అయినట్లు తెలుస్తోంది. ప్రభుత్వ నిర్ణయం వివాదాస్పదం కావడంతో యూటర్న్‌ తీసుకోవాల్సి వచ్చిందనే చర్చ రాజకీయ వర్గాల్లో సాగుతోంది.